'

Fylgjaraavtalan við Smyril Line eftirmett og undirskrivað

mai 7, 2018

Eftir trý ár við fylgjaraavtalu millum Smyril Line og MEGD varð avtalan í dag eftirmett og undirskrivað av nýggjum.

Tað var í februar 2015, at Smyril Line og MEGD skrivaðu undir fylgjaraavtalu á fyrsta sinni, og tað eru mong, ið bera brek, sum hava havt stóran ágóða av skipanini. 

Myndir frá løtuni her: Á brúnni á Norrønu

Fylgjarakortið hevur til endamáls at tryggja, at fólk, ið bera brek, og tískil hava tørv á fylgjara, tá ið tey ferðast ella luttaka í ymiskum tiltøkum, hava rætt til at taka fylgjaran við sær, uttan at goldið verður ferðaseðil ella atgongumerkið fyri fylgjaran.

Fylgjarakort verður útflýggja fólki, ið bera brek, og sum orsakað av breki teirra hava tørv á at hava fylgjara við sær, tá ið tey ferðast ella fara til ymisk tiltøk.

Tørvurin á fylgjara kann verða grundaður á bæði likamligt og sálarligt brek og er ikki treytaður av aldursmarki.

Støð har kortið er galdandi eru:
Norðurlandahúsið, Søvn Landsins, Listasavnið, Tjóðpallurin, Ítróttarsamband Føroya, Strandferðslan, Smyril Line og tiltøk, ið kommunurnar stuðla. Avtala er eisini gjørd við Atlantic Airways, har fylgjarin hjá tí ferðandi, fær 50% í avsláttri av grundprísinum, tó ikki av ferða- og avgreiðslugjøldum, og øðrum serprísum. 

Ábyrgdin hjá fylgjaranum er at vera saman við tí, sum ber brek, og geva honum smidliga hjálp, sum bæði fevnir um persónliga og praktiska hjálp og fylgi. Tørvurin á fylgjara kann verða grundaður á bæði likamligt og sálarligt brek og hevur einki aldursmark.

Seinastu tíðindi

MEGD nýggjan aðalskrivara

august 15, 2018

Øll skulu hava sama rætt

juli 9, 2018

Øll skulu hava sama rætt

juli 1, 2018

Øll skulu hava sama rætt

juli 1, 2018