Dagføring av ognini Eirargarður 14/16

Vit eru vælvitandi um, at tað er stórur mangul uppá bustaðartilboð til fólk, ið bera brek, men eru vit í iva um tað er rætt at byggja stovnslíknandi bústaðir.

Í niðurstøðunum frá ST nevndini frá 2014, harmast nevndin um, at eitt nú í Danmark verða bygdar stovnslíknandi bústaðir við tríati ella fleiri búfólkum. Nevndin mælir til, at sáttmálapartur ríkisins gevast at byggja stovnslíknandi bústaðir til fólk, ið bera brek.

Um byggingin merkir, at tríati ella fleiri búfólk koma at búgva á ognini Eirargarður 14/16, er hetta beinleiðis ímóti tilmælinum frá ST nevndini, og tí vilja vit heita á Almannamálaráðið um at upplýsa fyri okkum, hvussu nógv fólk ætlanin er skulu búgva á ognini Eiraragarður 14/16.

Vit vilja heita á tykkum um at geva okkum svar sum skjótast.

Vinarliga v/ MBF
Ása Olsen, aðalskrivari