Saman við megd megna vit

MEGD er eitt meginfelag fyri 24 limafeløg, ið tilsamans hava fleiri enn 4000 limir. 

Meginfelagið verður stjórnað av eini starvsnevnd, ið telur 5 limir. Aðalskrivarin er skrivari í nevndini. Nevndin hevur regluliga fund eina ferð um mánaðin og annars eftir tørvi. 

Starvsnevndin hevur ábyrgd av rakstri felagsins.

Missión

MEGD arbeiðir brekpolitiskt innan øll samfelagsviðurskifti fyri, at í Føroyum skal vera gott hjá fólki, ið bera brek at búgva, og harvið virkar MEGD fyri áhugamálum teirra, ið bera brek og limafeløgum teirra. 

Visjón

MEGD arbeiðir við støði í ST-sáttmálanum um rættindi teirra, ið bera brek fyri, at øll skulu hava javnrættindi í einum inkluderandi samfelag.

Í starvsnevndini hjá MEGD sita:

• Tóra við Keldu, forkvinna
• Bjørg Dam, næstforkvinna
• Elna Dam Dahl-Olsen
• Fía Petersen
• Sonja Tausen
• Bárður Atlason Ísheim er skrivari