Nýggjasta
LUKKA flutt inn á Bessastaðir
Í samband við norðurlendskan fund í Reykjavík vóru meginfeløgini á brekøkinum boðin á vitjan hjá íslendska presidentinum Guðni Thorlacius Jóhannesson. Hann var áhugaður í at hoyra, hvat meginfeløgini arbeiða við, og hvussu støðan er á brekøkinum. Tí fekk hann eisini handað bókina LUKKA.
Um stóra rundborðið, dekkað við íslendskum pannukøkum og øðrum góðum, varð tosað um ymiskt og kanska serliga um likamliga atkomu. Húsini hjá presidentinum á Bessastøðum, sum eru eini gomul hús, hava avbjóðingar at bjóða øllum vælkomnum. Eisini er ein kirkja á Bessastøðum, sum ikki er atkomulig.
Presidenturin fekk handaða føroysku bókina LUKKA sum gávu. Bókin tekur støði í ST-sáttmálanum um rættindi hjá einstaklingum, ið bera brek. Hann vísti áhuga fyri bókini og segði, at um broytingar skulu gerast til veruleika, so er neyðugt, at ymisku ynskini og ásetingarnar á brekøkinum gerast til ítøkiligar broytingar, har eisini fígging fylgir við.
Bókin kann lesast her: LUKKA
Seinastu tíðindi
Vallógin
Vallógin
MEGD í summar
