Øll kunnu ikki brúka munnbind

august 13, 2020

Farsóttarnevndin mælir fólki til at brúka munnbind í almenna rúminum. Hetta er eitt tilmæli og ikki eitt krav. Vert er tí at hava í huga, at tað kann vera ein væl grundað orsøk, um fólk heldur velja frástøðu og reinføri enn munnbind.

Myndina hevur Ólavur Frederiksen tikið.

Nøkur kunnu og skulu ikki brúka munnbind. Hesi eiga at vera undantikin tilmælinum frá Farsóttarnevndini um brúk av munnbindi í almenna rúminum.

Tilmælið eigur einans at fevna um tey, ið sjálvi eru før fyri at fáa munnbindið uppá og av.

Her eru nøkur, ið kunnu vera undantikin tilmælinum.

  • Børn yngri enn 12 ár
  • Fólk, ið hava avbjóðingar í andingarleiðunum, hava kognitivar avbjóðingar, ikki sjálvi kunnu taka munnbindið av, ella um tað gevur eina kenslu av at vera um at kódna.
  • Munnbindið kann takast av til máltíðir, fyri at taka heilivág, og tá ið tosað verður við ein, ið munnavlestur t.d. ein, ið er tunghoyrdur.  
  • Munnbindið skal sita væl inn at andlitinum, og tað ger, at t.d. tey, ið hava frávik í andlitinum og oyrunum ikki kunnu brúka munnbind.
  • Minnbindið kann takast av, um løgreglan skal eyðmerkja ein persón

Heimsheilsustovnurin, WHO, sigur, at soleiðis verða munnbind nýtt:

  • Munnbind verður bara brúkt av einum persóni
  • Munnbind skal burturbeinast eftir nýtslu í fýra tímar
  • Um munnbindið verður vátt, skal tað burturbeinast
  • Um ein nemur við munnbindið, verður viðmælt at burturbeina tað og vaska hendur

Seinastu tíðindi

Saman um eina góða søk

november 24, 2020

So er klárt!

oktober 28, 2020

Hoyringarskriv

oktober 22, 2020

Byggið ein verjugarð um tey veikastu

oktober 16, 2020