Nýggjasta
Løgfrøðiligur ráðgevi til MEGD
![](/upload/cache/images/2401-2600/2350e0365d26aae082258976699c96ef3c8adab6_w1120_h648_fC_ha50_va50_afp1.jpg)
Brennur tú fyri at gera mun á brekøkinum?
MEGD sóknast eftir eini eldsál at arbeiða í tíðaravmarkaðum starvi sum løgfrøðiligur ráðgevi hjá MEGD frá 1. septembur 2023 ella skjótast tilber. Tú skalt brenna fyri, at fólk, sum bera brek, fáa rættindi síni tryggjað í verki og harvið somu møguleikar sum aðrir borgarar at virka í føroyska samfelagnum.
Arbeiðsroyndir innan løgfrøði og á brekøkinum er ein fyrimunur. Tað er somuleiðis fyrimunur at hava royndir í sjálvbodnum felagsskapum.
MEGD er meginfelag fyri 24 limafeløg og arbeiðir við støði í altjóða Brekrættindasáttmálanum innan øll samfelagsviðurskifti. MEGD hevur tætt samskifti við politisku skipanina og leggur dent á at hava eina virkna rødd í almenna rúminum.
Vit bjóða
- eitt áhugavert, sjálvstøðugt, fjølbroytt og mennandi starv
- ein týðandi leiklut í at tryggja, at rættindi hjá fólki, ið bera brek, vera framd í verki
- møguleika at vera við til at menna mannarættindatilgongdina í Føroyum
Arbeiðið fevnir um
- at ráðgeva um rættindini hjá fólki, ið bera brek
- at menna og ráðgeva um løgfrøðiligu viðurskiftini hjá limafeløgunum í MEGD og limum teirra
- at virka fyri, at alt lógarsmíð byggir á altjóða brekrættindasáttmálan
- at vera við til at styrkja mannarættindatilgongd og rættindahugsan í Føroyum
Vit vænta, at tú
- hevur hægri útbúgving innan løgfrøði og ert fakliga væl fyri
- hevur viðkomandi starvsroyndir og góðan kunnleika til løgfrøðiligt arbeiði
- dugir at arbeiða miðvíst og sjálvstøðugt
- dugir væl at samskifta á føroyskum, donskum og enskum
- ert fryntlig/ur og hjálpsom/hjálpsamur
- hevur góð samstarvsevnir
- hevur kunnleika til føroysku samfelagsskipanina og lógarverkið
- hevur góðan telduførleika
- hevur innlit í journalskipan
- hevur kunnleika til og áhuga fyri at menna mannarættindaumhvørvið í Føroyum
Setanartreytir
Lønin er sambært sáttmála millum Fíggjarmálaráðið og Búskapar- og Løgfrøðingafelag Føroya. Talan er um hálvtíðarstarv í 6 mánaðir við møgleika fyri, at starvið verður longt.
Tann, sum settur verður, má tola møguligar broytingar í arbeiðsuppgávunum.
Umsóknir
Umsókn, avrit av prógvum, lívsrensl (CV) og onnur møgulig skjøl skulu sendast við telduposti til megd@megd.fo í seinasta lagi mánadagin 10. juli kl. 12:00. Setanarsamrøður vera eftir ætlan í viku 28. Allar umsóknir vera viðgjørdar í trúnaði.
Nærri fæst at vita um starvið við at venda sær til Bárð Atlason Ísheim, aðalskrivara, á tlf. 527373 ella á bardur@megd.fo.
Meir um MEGD á heimasíðuni megd.fo.
Seinastu tíðindi
![](/upload/cache/images/2601-2800/55835daaf6b0bf97536c05324c3eef04703fe9f6_w380_h220_fC_ha53_va34_afp1.jpg)
Góða ólavsøku
Íkast frá sivilsamfelagnum til ST-nevndina 2024
![](/upload/cache/images/2601-2800/49bf317445bb20d962d1084317bf6232836c2076_w380_h220_fC_ha51_va52_afp1.jpg)
Føroyar til próvtøku hjá ST um menniskjarættindi
![](/upload/cache/images/2601-2800/0e0cb2f299ea9eb48d5e24b63db5ca05db939b73_w380_h220_fC_ha50_va50_afp1.jpg)