Ruth er nýggj forkvinna

Í dag var fyrsti arbeiðsdagurin hjá nýggju forkvinnuni hjá MEGD, Ruth Thomsen, sum í morgun varð boðin vælkomin av fráfarandi forkvinnuni. Hetta er ein spennandi tíð, sum Ruth sjálv tók til, og nógv er at arbeiða við. Fyrsta tíðin verður sum vera mann brúkt til at seta seg inn í verandi viðurskifti, og setast skulu síðani nýggj mál samstundis sum tað so ella so verður byggt víðari á tað, sum longu er sett út í kortið. 

Fleiri myndir frá aðalfundinum eru her.

Tað var í gjár, mánadagin 31. mars, at alfundurin 2025 hjá MEGD varð hildin. Á skránni var millum annað val av forfólki, trímum umboðum í starvsnevndina og tveimum tiltakslimum.

Eitt uppskot kom inn til forfólk og varð Ruth Thomsen vald uttan avkvøðugreislu. Í starvsnevndina komu Anna Dahl-Olsen, Johnny Olsen og Ása Olsen. Sum tiltakslimir vóru valdar Naina Túgvustein og Julianna Tórunnardóttir. 

Starvsnevndin skipar seg á fyrst komandi starvsnevndarfundi við næstforfólki. Í starvsnevndini sita nú:

Ruth Thomsen, forkvinna
Sonja Tausen
Anna Dahl-Olsen
Johnny Olsen
Ása Olsen

Bárður Atlason Ísheim, aðalskrivari, er skrivari

Tey, sum fóru úr starvsnevndini vóru Fía Petersen, Bjørg Dam og Elna Dam Dahl-Olsen og takkar MEGD teimum fyri gott samstarv. 

Umframt at aðalskrivarin, Bárður Atlason Ísheim, legði rakstrarætlan og roknskapin fram saman við býtislyklinum um fíggjarliga stuðulin, sum einmælt varð samtyktur, greiddi Dánjal Højgaard frá arbeiði sínum sum løgfrøðiligur ráðgevi, sí ársfrágreiðingina hjá løgfrøðiligu ráðgevingini fyri 2024. 

MEGD takkar fundarfólkinum fyri góðan fund, og við hesum byrjar á ein hátt eitt nýtt skeið hjá meginfelagnum á brekøkinum. 

Ársfrágreiðingin hjá MEGD fyri 2024 og forkvinnufrágreiðing fyri 2024 liggja nú á heimasíðuni, www.megd.fo/arsfragreidingar.