Á flog við Atlantic Airways

september 25, 2019

Mikudagin 25. september varð fylgjaraavtalan millum Atlantic Airways og MEGD endurskoðað og undirskrivað. MEGD takkar fyri vælvild við vón um, at fylgjarakortið dúgliga verður nýtt.

Um avtaluna skrivar Atlantic Airways, at fylgjarin hjá tí, sum hevur MEGD fylgjarakort, fær 50% í avsláttri av galdandi almannakunngjørda ferðaseðlaprísinum hjá tí ferðandi.

Avslátturin verður veittur á øllum rutum hjá Atlantic Airways.

Keyp av ferðaseðlum við serprísi, broytingargjøld og keyp av eyka tænastum t.d. vistveiting, eyka viðføri, seturval v.m. er ikki fevnt av avsláttrinum í avtaluni. 

Avslátturin er treytaður av, at tann ferðandi kann skjalprógva, at hann/hon hevur fylgjarakort frá MEGD. Somuleiðis er avslátturin treytaður av, at fylgjarin ferðast á somu fráferðum sum tann ferðandi við MEGD fylgjarakorti.

Ferðaseðlar, fevndir av hesi avtalu, skulu bíleggjast á á Sølu- og kundatænastuni hjá Atlantic Airways á 341000 ella booking@atlantic.fo.

MEGD takkar Atlantic Airway fyri vælvilja og ynskir øllum, ið gagnnýta hendan møguleika, góða ferð.

 

Seinastu tíðindi

Vælferð í einum óstøðugum heimi

mars 27, 2024

Ivamál í lógaruppskotinum um fosturtøku

mars 20, 2024

Tað er sum havi eg tveir føðingardagar

mars 8, 2024

Fosturtøka vegna brek er mismunur

februar 9, 2024