Tekstur og teknmálstulking í KvF

KvF er farið at teksta tíðindasendingarnar í sjónvarpinum. Hetta er galdandi fyri vanligu tíðindasendingarnar og eyka tíðindasendingarnar. Tær verða lagdar á netið, so skjótt tær eru tekstaðar. Sostatt eru tær tøkar seint um kvøldið ella fyrrapartin dagin eftir. 

Viðvíkjandi tíðindafundunum verður hildið fram við skipanini at blogga beinleiðis frá teimum. Hetta kemur í staðin fyri teksting. Øll orka fer til at teksta Dag og Viku, tí verður bloggað beinleiðis frá tíðindafundunum.

Hildið verður fram sum vanligt at teknmálstulka Dag og viku á netinum.

Á KvF er frámerki sett ovast til høgru, sí her.  Her eru allar tekstaðar tíðindasendingar, teknmálstulkaðar sendingar og bloggaðir tíðindafundir at finna á einum og sama stað.

Boða teimum, ið tit kenna, frá nýggju tænastuni.

MEGD ynskir at enda at takka limafeløgunum Hoyr og Deyvafelag Føroya fyri treysti at gera hetta mál til veruleika.