FÍGGJARNEVNDIN Á VITJAN

Vegna nevndina luttóku Eyðgunn Samuelsen, Hanna Jensen, Beinir Johannesen, Rósa Tyril og Hallur Markná, skrivari.

Vegna MEGD greiddu forkvinnan, Ása Olsen, og aðalskrivarin, Bárður A. Ísheim, frá um fjølbroytta virksemið hjá meginfelagnum og teimum 24 feløgum hjá fólki, ið bera brek.

Síðani var prátað um m.a. vælferðarsamfelagið, sum er undir stórum trýsti, og um hvussu feløgini kunnu deila teirra týdningarmiklu vitan um hvussu vælferðarskipanir og lógarfest rættindi virka í gerandisdegnum hjá fólki.

MEGD takkar fyri vitjanina og ynskir fíggjarnevndini góðan arbeiðshug víðari.