Nýggjasta
FØROYAR SKRIVA SØGU Í HESUM DØGUM Í NEW YORK
Fyri fyrstu ferð er Føroyar við á ST-ráðstevnuni “Conference of States Parties to the Convention on the Rights of Persons with Disabilities” (COSP) nú hon verður hildin í New York hesa vikuna.
Margit Stórá, landsstýriskvinna í almanna- og bústaðarmálum, er vertur fyri donsku og føroysku sendinevndini.
Í dag hevur verið skipað fyri ymiskum viðkomandi vitjanum á stovnum og felagsskapum innan brekøkið.
Stovnarnir vit hava vitjað í dag eru millum annað:
CIDNY, ið er ein brekrættindafelagsskapur, ið fremir rættin hjá fólki, ið bera brek, at liva sjálvstøðugt og at hava javnbjóðis møguleikar í samfelagnum.
YAI er ein felagsskapur, ið veitir tænastu m.a. til einstaklingar við autismu, Down syndrom, CP og sosialum avbjóðingum.
ADAPT Community Network er ein leiðandi almennur felagsskapur, sum veitir tænastur til børn og vaksin, sum bera brek, eitt nú autismu, heilasjúku, Down Syndrom og onnur menningar og likamlig brek. Stovnurin bjóðar útbúgving, heilsuverk, bústað, arbeiðsstuðul, hjálpartøkni, frítíðarítriv og famuljutænastur fyri at fremja rættindini hjá fólki til at liva eitt meiri sjálvstøðugt og inkluderandi lív.
Sport Drive Social Change Event
Dagurin endaði við einum tiltaki, ið aðalkonsulatið hjá Danmark og Noreg í New York høvdu skipað fyri. Á hesum tiltakinum savnast bæði norðurlendskir avgerðartakarar og altjóða hugsandi grasrótarfelagsskapir til eitt formum, fyri at tosa um hvussu ítróttur kann vera drívmegi fyri samfelagsbroytingum.
Á tiltakinum vóru talur og pallborðsfundur, og helt Margit Stórá, landsstýriskvinna eina sera viðkomandi talu.
Í morgin byrjar sjálv COSP ráðstevnan, har Føroyar eru við í side event fyri ung, og umboðar Ninna R. Simonsen MEGD-ung. Margit Stórá kemur at umboða Føroyar og Danmark, og kemur at halda talu til almennu byrjanina av ráðstevnuni. Hetta má vera fyrstu ferð, at eitt føroyskt landsstýrisfólk hevur umboðað alt Kongaríki/Ríkisfelagsskapin.
Við í ferðalagnum fyri Føroyar eru umboð fyri MEGD, Landsstýriskvinnan og embatisfólk í almanna- og bústaðarmálum og Brekumboðið.
Leinkja til side event ið verður í morgin týsdagin 9. juni frá kl. 16.45 til kl. 18.00: Representation that Matters: Enhancing Active Citizenships for Young People with Disabilities
Link: https://teamup.com/event/show/id/q4EQEUTQx3JSDobcGDRTvkrqtufNDi
Seinastu tíðindi
Hvussu framtíðartryggja vit vælferðarsamfelagið? - MEGD ráðstevna í Norðurlandahúsinum týsdagin 29. september
Hevur tú brúk fyri donskum fylgjarakorti?
20 ár eftir at ST samtykti Brekrættindasáttmálan eru vit komin longri, men ikki á mál.
