2 mió tøkk bæði fólk og fyritøkur

Í gjár, 25. mai, varð stóra landsinnsavningin, sum MEGD skipaði vegna síni 24 limafeløg, hildin við Tjarnir. Tiltakið varð sera væl eydnað og fekk ómetaliga góða undirtøku og stóran áhuga úr øllum landinum. Hervið fáa øll eina hjartans tøkk fyri peningaliga stuðulin, bæði frá fólki og fyritøkum, sum higartil tilsamans er umleið kr. 2 milliónir. Peningagávur koma framvegis inn, so upphæddin fer helst at vaksa nakað í komandi dagarnar.