Hjartans tøkk bæði fólk, fyritøkur, feløg og kommunur

Vit fegnast um, at landsinnsavningin hjá MEGD og limafeløgunum varð sera væl móttikin, og áhugin í sendingini tóktist at vera stórur kring alt landið sunnukvøldið 25. mai. Limafeløgini greiddu frá sínum hjartamálum og virksemi, góður tónleikur varð spældur og bæði fólk og fyritøkur vóru fús at stuðla fíggjarliga. Síðani sunnukvøldið er samlaða upphæddin vaksin, og tykist framvegis at vaksa. Higartil eru áleið 2 milliónir komnar inn, og hetta vilja vit fegin takka øllum so hjartaliga fyri. Eisini vilja vit takka øllum teimum, ið vóru við til at fáa hetta tiltakið til veruleika.