Samskipandi eindin á vitjan

Hvørt landsstýrisfólk hevur ábyrgd av, at sáttmálin er settur í verk á sínum øki og hevur tilnevnt lim í samskipandi eindina. Fyrsta samskipandi eindin fór til verka í apríl 2019. Tá ið nýggj samgonga fór til verka, var onkur útskifting í eindini, sum nú er farin verka.

Landsstýrisfólkini eru á einum máli um, at tað er av stórum týdningi, at hetta arbeiðið verður samskipað millum ráðini, so allir okkara borgarar fáa eins góðar sømdir og møguleikar at taka lut í dagsins samfelag.

Yvirskipaða endamálið við samskipandi eindini er at tryggja samanhang í brekpolitisku ætlanum landsstýrisins. Samskipandi eindin fer at umrøða forðingar í samfelagnum hjá fólki, ið bera brek, at virka á jøvnum føti við onnur, eins og eindin fer at taka upp brekpolitiskar spurningar við áhugafelagsskapir og onnur viðkomandi.

Uppgávan hjá limunum í samskipandi eindini er at tryggja, at politikkir, skipanir og reglur o.a. á teirra øki eru í samsvari við sáttmálan.

Samstundis fer samskipandi eindin at orða eina brekpolitiska virkisætlan fyri Føroyar, ið fevnir um øll rættindi og týðandi øki, sum sáttmálin fevnir um.

Tey, ið eru í samskipandi eindini eru: 

Nøvnini á teimum í Samskipandi eindini eru:

Bára Michelsen, Fíggjarmálaráðið
Andras Marr Poulsen, Fiskimálaráðið
Gudrun Mortansdóttir Nolsøe, Løgmansskrivstovan
Gunvør Balle, Uttanríkis- og mentamálaráðið
Kristianna Sjóvará, Uttanríkis- og mentamálaráðið
Kristianna á Lofti, Heilsumálaráðið
Jónas Tór Næs, Umhvørvis- og vinnumálaráðið
Jákup Andrias Kristiansen, Almannamálaráðið
Jeanette Ellefsen Blaasvær, Almannamálaráðið
Eyðun Christiansen, Kommunufelagið, vantar á myndini